បើនិយាយពីជ្រូកខ្វៃ ផ្នែកដែលឆ្ញាញ់ និងមានអ្នកចូលចិត្តជាងគេមានដូចជា ត្រចៀក និង ស្បែកដែលនៅស្រួយៗខ្ញោកៗពេលញាំទំពារ។ ហើយជាញឹកញាប់ណាស់យើងតែងឮពាក្យតំណាលតៗគ្នាមកថា នៅពេលដែលមានការសែនព្រែនម្តងៗរបស់បងប្អូនកាត់(ខ្មែរ)ចិន អ្នកដែលទទួលបាន ច្រមុះជ្រូកខ្វៃ កន្ទុយ ក្រចកជើងសសៃកែងខ្ចីៗ និងត្រចៀកជាដើម និងនាំលាភសំណាង ឬថាបើញាំ ច្រមុះ គឺនាំអោយចេះឈ្មោះឆ្មុលរកស៉ីមានបាន បើផ្នែកត្រចៀក និងមានភាពវាងវៃ ដឹងឮពត័មានលឿនជាដើម។
តើពិតមែនដែរទេ?
ផ្អែកលើធាតុពិតផ្នែកទាំងនោះគឺឆ្ញាញ់ជាពិសេស សំរាប់អ្នកចូលចិត្តញាំ បែបខ្លែមលេង! ហើយការតំណាលបង្កើតជាជំនឿបែបនេះ ប្រហែលជាចាស់ៗចង់អោយកូនចៅពេលជួបជុំ ដណ្តើមគ្នាញាំលេង ដើម្បីបង្ករបរិយាកាសសប្បាយៗ ឬអោយមកជួយរើ មកប្រមូលសា ម្ហូបអាហារដែលបានសែនរួច ចែកគ្នាញាំ ជាដើម....។ល។
ក៍ប៉ុន្តែ ក្នុងសង្គមជាក់ស្តែងយើងសង្កេតឃើញមានការជ្រុលជ្រួស ដោយផ្អែកលើជំនឿ ចង់មានបានជ្រុល វាធ្វើអោយ បងប្អូនកូនគ្មួយ ក្នុងគ្រួសារមេដែលមានបងប្អូនច្រើនមកចូលរួមជុំគ្នា ដូចជាពេលសែនផ្នូរ ឆេងម៉េងជាដើមនេះ ទៅជាអន់ចិត្តនិងគ្នា ព្រោះតែហេតុបុគ្គលខ្ល៖ហាក់ដូចជាអាត្មានិយមជ្រុល ប្រមូលយកហុងស៊ុយតែឯង! ហើយទំលាប់នេះនិងរសាយបន្តរទៅដល់កូនចៅខ្លួនឯងផ្ទាល់ជាក់ជាមិនខាន។
សូមជាស់វាង ជំនឿជ្រុលដែលអាចនាំចង្រៃ!!
សម័យកាលនេះហើយ ជ្រូកខ្វៃមិនមែនជាម្ហូបកម្ររទៀតនោះទេ! ចូរទទួលទានជាមួយគ្នា ឆ្ញាញ់ជាមួយគ្នា បង្រៀនគ្មេងៗជំនាន់ក្រោយអោយចូលចិត្តគ្នា!
ការអធ្យាស្រ័យល្អ ការចែករំលែកគ្នា រាប់អានគ្នាជាការប្រសើរបំផុតក្នុងការរស់នៅក្នុងក្រុមគ្រួសារ មនុស្សជាតិ។